திருப்பாடல்கள் 133

1சகோதரர் ஒன்றுபட்டு வாழ்வது

எத்துணை நன்று,

எத்துணை இனியது!

2அது ஆரோனின் தலையினிலே

ஊற்றப் பெற்ற நறுமணத்தைலம்

அவருடைய தாடியினின்று வழிந்தோடி

அவர்தம் அங்கியின் விளிம்பை

நனைப்பதற்கு ஒப்பாகும்.

3அது எர்மோனின் மலைப்பனி

சீயோனின் மலைகள்மேல்

இறங்குவதற்கு ஒப்பாகும்;

ஏனெனில், அங்கிருந்தே என்றுமுள

வாழ்வென்னும் ஆசிதனை

ஆண்டவர் பொழிந்தருள்வார்.